კონფიდეციალურობის პოლიტიკა

პირველი რედაქცია: 19/05/2025

განახლებულია: 26/05/2025

კონფიდენციალურობის ამ პოლიტიკის მიზანია გაცნობოთ, თუ როგორ იყენებს ქრაში თქვენს პერსონალურ მონაცემებს.

1. ტერმინთა განმარტება

აპლიკაცია: ქრაშის აპლიკაცია, რომელიც ხელმისაწვდომია App Store-სა და Google Play Store-ში.

ანგარიში: მომხმარებლის პირადი სივრცე აპლიკაციაში, რომელშიც შედის რეგისტრაციისა და ავტორიზაციის შემდეგ. მომხმარებელს შეუძლია გამოიყენოს ქრაშის სერვისები მხოლოდ ერთი ანგარიშით.

გეოლოკაცია: თქვენი მდებარეობა, რომელსაც ქრაში ინახავს და პერიოდულად ანახლებს, თუ ეს ფუნქცია ჩართულია მოწყობილობის პარამეტრებში.

ფრეიმვორკი: შპს ფრეიმვორკი არის საქართველოში რეგისტრირებული შეზღუდული პასუხისმგებლობის საზოგადოება, რომელიც მართავს და სრულად ფლობს ქრაშის სერვისებსა და სავაჭრო ნიშანს.

ლოკატორი: რუკა, რომელიც აჩვენებს ქრაშის სხვა მომხმარებლების მიახლოებით ადგილმდებარეობას 5 კილომეტრის დიაპაზონში.

მომხმარებელი: ადამიანი, რომელიც დარეგისტრირებულია ქრაშის აპლიკაციაში.

პირადი ინფორმაცია: პროფილში მითითებული ნებისმიერი ინფორმაცია.

პროფილის ვერიფიკაცია: ფუნქცია, რომელიც ბიომეტრიის გამოყენებით ადასტურებს პროფილის ფოტოს ვალიდურობას.

პროფილის ფოტო: მომხმარებლის სახის ფოტო(ები), რომელიც უნდა იყოს მკაფიო და უცვლელი სახით.

სერვისები: ყველა სერვისი (უფასო და ფასიანი), რომელსაც ქრაში სთავაზობს მომხმარებლებს.

2. მონაცემების მართვა

ქრაშში შეგროვებული მონაცემები მუშავდება კომპანია შპს ფრეიმვორკის მიერ, რომელიც რეგისტრირებულია საქართველოში და წარმოადგენს აპლიკაციისა და სერვისების ერთადერთ მფლობელსა და მმართველს. კომპანიის სათაო ოფისი მდებარეობს მისამართზე: 0137, Framework Headquarters, Tbilisi, Georgia.

ქრაში დიდ მნიშვნელობას ანიჭებს თქვენი პერსონალური მონაცემების დაცვასა და კონფიდენციალურობას. კონფიდენციალურობის ეს პოლიტიკა (ქუქი ფაილების გამოყენების დოკუმენტთან, სერვისის წესებთან და სხვა შესაბამის დოკუმენტებთან ერთად) განმარტავს, თუ როგორ ხდება თქვენი მონაცემების დამუშავება ქრაშის მიერ მაშინ, როცა იყენებთ აპლიკაციასა და სერვისებს.

გთხოვთ, ყურადღებით წაიკითხოთ წინამდებარე დოკუმენტი, რათა უკეთ გაიგოთ, როგორ მუშავდება თქვენი მონაცემები და რა უფლებები გაქვთ.

მოცემული კონფიდენციალურობის პოლიტიკა ვრცელდება ქრაშის ყველა სერვისზე, რომელსაც მომხმარებელი იყენებს.

3. ინფორმაცია, რომელსაც ვაგროვებთ

ქრაში აგროვებს და ამუშავებს თქვენს პერსონალურ მონაცემებს მაშინ, როცა იყენებთ აპლიკაციას. ეს შეიძლება იყოს ინფორმაცია, რომელიც თქვენ გვიზიარებთ პირდაპირ ან მონაცემები, რომლებიც ავტომატურად იკრიბება.

სავალდებულო მონაცემები

• საიდენტიფიკაციო მონაცემები
• ელ. ფოსტა და/ან ტელეფონის ნომერი
• აპლიკაციაში თქვენი აქტივობის მონაცემები
• მოწყობილობის ტექნიკური მონაცემები
• თქვენი ლოკაცია (თუ ჩართულია მოწყობილობაზე)

მიზნობრივი მონაცემები

• გეოლოკაცია ან, მინიმუმ, ქალაქი
• საძიებო პრეფერენციები (ასაკი და სქესი)
• აპლიკაციაში გაგზავნილი/მიღებული შეტყობინებები
• რეპორტები და საფორთ თიქეთები
• შეკვეთებისა და გადახდების მონაცემები
• ბიომეტრიული მონაცემები (თქვენი თანხმობით)

არასავალდებულო მონაცემები

• პროფესიული გამოცდილება და განათლება
• ინტერესები, ცხოვრების სტილი, ჰობები, სხვა ინფორმაცია
• პროფილის აღწერა (ბიოგრაფია)

3.1 მონაცემები, რომლებსაც გვიზიარებთ პირდაპირ

როდესაც იყენებთ ქრაშის სერვისებს, გვიზიარებთ გარკვეულ ინფორმაციას. ზოგიერთი მათგანი შეიძლება იყოს გამოყენებული თქვენი იდენტიფიცირებისთვის. ეს მონაცემები შეიძლება გამოჩნდეს სხვა წევრებისთვისაც, რაც ნიშნავს, რომ ისინი აპლიკაციაში გასაჯაროვდება. აღნიშნული ინფორმაცია ინიშნება, როგორც „საჯარო“, ხოლო დანარჩენი — როგორც „პირადი“. ქრაში არ არის პასუხისმგებელი იმ მონაცემებზე, რომელსაც მომხმარებელი თავად აქვეყნებს.

Crushy აგროვებს და ამუშავებს შემდეგ მონაცემებს:

3.1.1 რეგისტრაციის მონაცემები

ძირითადი ინფორმაცია, რომელიც აუცილებელია სერვისებზე წვდომისთვის.

რეგისტრაციის მეთოდის მიხედვით მონაცემები გროვდება შემდეგნაირად:

• თუ რეგისტრირდებით ტელეფონის ნომრით — ინფორმაცია თავად აწვდით ქრაშის.

რეგისტრაციისთვის სავალდებულოა შემდეგი მონაცემები:

• სახელი (საჯარო)
• ასაკი (საჯარო)
• დაბადების თარიღი (პირადი, თუმცა, გამოთვლილი ასაკი - საჯარო)
• სქესი
• მინიმუმ ერთი პროფილის ფოტო, სადაც სახე ჩანს მკაფიოდ (საჯარო)

თუ რეგისტრაციისას არ აძლევთ ქრაშის წვდომას გეოლოკაციაზე, უნდა მიუთითოთ თქვენი ქალაქი — ინფორმაცია გამოიყენება ახლოს მყოფი მომხმარებლების გამოსაჩენად.

დამატებითი, არასავალდებულო ინფორმაცია

მომხმარებელს შეუძლია სურვილისამებრ დაამატოს:

• პროფესია ან სასწავლებელი (საჯარო)
• ინტერესები და ჰობები (საჯარო)
• სიმაღლე (საჯარო)
• აღწერა (საჯარო) — სადაც შეგიძლიათ აღწეროთ საკუთარი თავი.

შენიშვნა: ქრაში არ გირჩევთ სენსიტიური ინფორმაციის გაზიარებას, როგორიცაა ეთნიკურობა, პოლიტიკური ან რელიგიური შეხედულებები, ჯანმრთელობის მდგომარეობა, სექსუალური ორიენტაცია და სხვა GDPR-ის ფარგლებში დადგენილი “განსაკუთრებული კატეგორიის მონაცემები”. თუ მომხმარებელი მაინც აქვეყნებს მსგავს ინფორმაციას, ეს ითვლება მის მიერ საჯაროდ გავრცელებულად.

3.1.2 ურთიერთქმედება სერვისთან

როდესაც წევრი უკავშირდება ჩვენი მხარდაჭერის სამსახურს, აკეთებს განცხადებას, სთხოვს დახმარებას, მონაწილეობს გათამაშებაში ან აზიარებს გამოცდილებას, ქრაში აგროვებს შემდეგ პერსონალურ მონაცემებს:

მომხმარებლის მხარდაჭერის და განცხადებების მონაცემები (პირადი):

• განცხადების თარიღი და დრო
• განცხადების შინაარსი და მიზეზი
• განმცხადებელი მომხმარებლის მონაცემები
• პირადობის დამადასტურებელი დოკუმენტი (მოთხოვნის შემთხვევაში)

ეს მონაცემები საჭიროა, რათა ქრაშიმ შეძლოს განცხადებების დამუშავება და მომხმარებლის მოთხოვნებზე პასუხი. თუ სხვა წევრი დააფიქსირებს თქვენზე განცხადებას, ქრაშის აქვს იურიდიული ვალდებულება დამუშავოს ის.

3.2 მონაცემები, რომლებიც ავტომატურად გროვდება

როდესაც მომხმარებელი იყენებს ქრაშის აპლიკაციასა და მის ფუნქციებს, ჩვენ ავტომატურად ვაგროვებთ ინფორმაციას მის აქტივობაზე:

აქტივობის მონაცემები (პირადი):

• რეგისტრაციის თარიღი
• ავტორიზაციის თარიღები
• სხვა წევრებთან ურთიერთქმედებები
• მიღებული შეტყობინებები და მათი პარამეტრები

ეს მონაცემები აუცილებელია ქრაშის ძირითადი მომსახურების გაწევისთვის. მათ გარეშე აპლიკაცია ვერ იფუნქციონირებს.

გეოლოკაცია (საჯარო):

გეოლოკაციის მონაცემები გროვდება მხოლოდ თქვენი თანხმობით.

გთხოვთ გაითვალისწინოთ:

• არავინ ხედავს ზუსტ ადგილმდებარეობას, მხოლოდ მიახლოებით ლოკაციას.
• თუ უარს ამბობთ გეოლოკაციაზე, უნდა მიუთითოთ ქალაქი, რათა მაინც შემოგთავაზოთ ახლოს მყოფი მომხმარებლების პროფილები.

მომხმარებელს ნებისმიერ დროს შეუძლია გამორთოს გეოლოკაცია. ამის შემდეგ ლოკატორი აღარ განახლდება და აღარ ნახავთ ახლოს მყოფ მომხმარებლებს.

მესიჯები (პირადი):

მესიჯები ინახება ქრაშის სერვერებზე, რათა შესაძლებელი გახდეს კომუნიკაცია მომხმარებლებს შორის. მესიჯებზე წვდომა არ აქვს არც ერთ მესამე პირს და არც ქრაშის თანამშრომლებს, გარდა კანონით გათვალისწინებული შემთხვევებისა.

საძიებო პრეფერენციები (პირადი):

მომხმარებელს შეუძლია აირჩიოს, თუ რა ასაკისა და სქესის მომხმარებლებს ეძებს. აპლიკაცია გაჩვენებთ მხოლოდ იმ წევრებს, ვინც აკმაყოფილებს თქვენს კრიტერიუმებს. აღნიშნული ინფორმაცია არ ჩანს არც ერთ სხვა მომხმარებელთან.

მოწყობილობის ტექნიკური მონაცემები (პირადი):

ქრაში აგროვებს შემდეგ მონაცემებს:

• IP მისამართი
• მოწყობილობის იდენტიფიკატორი
• აპლიკაციისა და მოწყობილობის ვერსია
• სისტემის ენა
• OS ტიპი
• სარეკლამო იდენტიფიკატორი

მონაცემები გროვდება ქუქი ფაილების ან მსგავსი ტექნოლოგიების გამოყენებით.

ტრანზაქციის მონაცემები:

ქრაში არ ინახავს საბანკო მონაცემებს. გადახდები ხდება App Store-ის, Google Play-ის ან საქართველოს ბანკის ონლაინ ტერმინალის მეშვეობით. ქრაში იღებს მხოლოდ ტექნიკურ მონაცემებს (მაგ. ტრანზაქციის ნომერი).

4. როგორ ვიყენებთ თქვენს მონაცემებს

4.1. სერვისის მიწოდება პირობების შესაბამისად

ქრაში იყენებს თქვენს მონაცემებს, რათა მოგაწოდოთ შემდეგი სერვისები:

• თქვენი ანგარიშის შექმნა, მართვა და წაშლა
• პარამეტრებისა და პრეფერენციების მართვა
• გამოწერებისა მართვა
• მომხმარებლებს შორის მიმოწერის შენახვა
• ფასიანი სერვისების ადმინისტრირება
• შეტყობინებების გაგზავნა თქვენი აქტივობის ან სერვისებთან დაკავშირებული მოვლენების შესახებ

იურიდიული საფუძველი: ხელშეკრულების შესრულება

ქრაში ვალდებულია უზრუნველყოს აპლიკაციის გამართულად მუშაობა და წევრებისთვის სერვისების მიწოდება.

4.2. ლოკატორი

• ქრაში იყენებს გეოლოკაციის მონაცემებს იმისათვის, რომ გაჩვენოთ მომხმარებლები თქვენთან ახლოს.

იურიდიული საფუძველი: თანხმობა

თქვენ შეგიძლიათ ნებისმიერ დროს გააუქმოთ თანხმობა აპლიკაციაში გეოლოკაციის გამორთვით. გაუქმება არ იმოქმედებს უკვე დამუშავებულ მონაცემებზე.

4.3. რეკლამა და შეთავაზებები (მარკეტინგი)

• ქრაშიმ შეიძლება გამოგიგზავნოთ:შემოთავაზებები აპლიკაციაშიქრაშის სერვისებთან დაკავშირებული რეკლამა და აქციებიპერსონალიზებული (სამიზნე) ან ზოგადი რეკლამა აპლიკაციაში
• შემოთავაზებები აპლიკაციაში
• ქრაშის სერვისებთან დაკავშირებული რეკლამა და აქციები
• პერსონალიზებული (სამიზნე) ან ზოგადი რეკლამა აპლიკაციაში

იურიდიული საფუძველი: ლეგიტიმური ინტერესი ან თანხმობა

თქვენ შეგიძლიათ ნებისმიერ დროს გააუქმოთ რეკლამაზე თანხმობა — აპლიკაციაში ან წერილში მითითებული ბმულით.

4.4. სერვისების გაუმჯობესება და ანალიტიკა

ქრაში იყენებს მონაცემებს:

• სტატისტიკური ანალიზისთვის
• მომხმარებელთა კმაყოფილების კვლევებისთვის
• აპლიკაციის ფუნქციონირებისგასაუმჯობესებლად

ასევე ქრაშიმ შეიძლება:

• შემოგთავაზოთ რჩევები პროფილის ფოტოებთან დაკავშირებით საერთო ანალიზზე დაყრდნობით.

იურიდიული საფუძველი: ლეგიტიმური ინტერესი

4.5. მონაცემთა უსაფრთხოების უზრუნველყოფა

• თაღლითობის გამოვლენა და პრევენცია
• უსაფრთხოების დარღვევების ანალიზი

იურიდიული საფუძველი: ლეგიტიმური ინტერესი

4.6. არაკანონიერი ქცევის პრევენცია და სამართლებრივი ვალდებულებების შესრულება

• განცხადებების განხილვა და მომხმარებელთა ანგარიშების დაბლოკვა ან წაშლა
• თქვენი მონაცემებთან დაკავშირებული უფლებების რეალიზება
• ყალბი პროფილების გამოვლენა (მაგ. ფოტოზე სახის არარსებობის შემთხვევაში პროფილი ვერ შეიქმნება)

იურიდიული საფუძველი: სამართლებრივი ვალდებულება და ლეგიტიმური ინტერესი

4.7. დახმარება და ტექნიკური მხარდაჭერა

• მომხმარებლის მიერ გაგზავნილ ტექნიკურ ან მხარდაჭერის მოთხოვნებზე პასუხი

იურიდიული საფუძველი: ლეგიტიმური ინტერესი

5. ქუქი ფაილები და მონაცემების გაზიარება

5.1 ქუქი ფაილები და მონიტორინგის ტექნოლოგიები

ქრაში იყენებს ქუქი ფაილებს (cookies) და მონიტორინგის სხვა ტექნოლოგიებს შემდეგ მიზნებისთვის:

• ტექნიკური ფუნქციონირება
• აუდიტორიის ანალიზი
• რეკლამა და მარკეტინგი (მხოლოდ ვებსაიტზე)

დამატებითი ინფორმაცია შეგიძლიათ იხილოთ “ქუქი ფაილების გამოყენების პოლიტიკაში” ჩვენს საიტზე.

5.2 როგორ აზიარებს ქრაში თქვენს მონაცემებს

მხოლოდ ქრაშის სპეციალურად ავტორიზებულ თანამშრომლებს და პარტნიორებს აქვთ წვდომა თქვენს პერსონალურ მონაცემებზე შემდეგი პირობებით:

შიდა წვდომა (იმპერსონირება)

• მომხმარებლის მხარდაჭერის გუნდი
• სერვისების მართვისთვის პასუხისმგებელი პერსონალი

გარე პარტნიორები და მომწოდებლები

• მონაცემთა ინფრასტრუქტურის და ჰოსტინგის სერვისები
• ანალიტიკის პროგრამული უზრუნველყოფის მომწოდებლები
• ტექნიკური ქვეკონტრაქტორები
• მარკეტინგული პარტნიორები

5.3 სახელმწიფო ორგანოებთან თანამშრომლობა

ქრაშის შეუძლია გადასცეს თქვენი მონაცემები სასამართლო ან ადმინისტრაციული მოთხოვნის შემთხვევაში.

5.4 კორპორაციული ცვლილებები

თქვენი მონაცემები შეიძლება გადავიდეს სხვა იურიდიულ პირზე კომპანიაში რესტრუქტურიზაციის, შერწყმის, შეძენის ან ლიკვიდაციის დროს.

6. თქვენი უფლებები და მათი გამოყენების წესი

6.1 თქვენი უფლებები

საქართველოს კანონმდებლობისა და ევროკავშირის ზოგადი მონაცემთა დაცვის რეგულაციის (GDPR) საფუძველზე, თქვენ გაქვთ შემდეგი უფლებები:

• წვდომის უფლება — ნახოთ, თუ რა მონაცემები ინახება თქვენზე
• კორექტირების უფლება — მოითხოვოთ მონაცემების კორექტირება ან განახლება
• წაშლის უფლება — მოითხოვოთ თქვენი მონაცემების განადგურება
• დამუშავების შეზღუდვის უფლება — დროებით შეჩეროთ მონაცემების გამოყენება
• პრეტენზიის უფლება — გააპროტესტოთ გარკვეული სახის დამუშავება
• პორტაბელურობის უფლება — მიიღოთ მონაცემები გადატანისთვის სტანდარტულ ფორმატში
• გარდაცვალების შემდეგ მონაცემების მართვის უფლება — განსაზღვროთ, თუ როგორ განკარგონ მონაცემები თქვენი გარდაცვალების შემდეგ

ქრაში ვალდებულია, რომ თქვენი მოთხოვნები განიხილოს რაც შეიძლება სწრაფად.

6.2 როგორ გამოიყენოთ თქვენი უფლებები

თქვენ შეგიძლიათ გამოიყენოთ თქვენი უფლებები შემდეგნაირად:

• ელექტრონული ფოსტით: [email protected]

შენიშვნა: იდენტობის დასადასტურებლად შესაძლოა მოთხოვნილი იყოს პირადობის დამადასტურებელი დოკუმენტი.

თუ თქვენი მოთხოვნა არ დაკმაყოფილდა, შეგიძლიათ მიმართოთ შესაბამის მონაცემთა დაცვის ეროვნულ ინსპექციას.

6.3 რამდენ ხანს ვინახავთ თქვენს მონაცემებს

ქრაშის მონაცემთა შენახვის პოლიტიკა ითვალისწინებს მონაცემების წაშლას ან ანონიმიზაციას განსაზღვრული ვადების გასვლის შემდეგ:

• აქტიური ანგარიშისთვის: მონაცემები ინახება რეგისტრაციიდან 24 თვე. თუ ამ პერიოდის განმავლობაში აქტივობა არ დაფიქსირდა, ანგარიში ავტომატურად იშლება, ხოლო მონაცემები ინახება დამატებით 1 წელი, შემდეგ კი იშლება ან ანონიმიზდება.
• დაბლოკილი ანგარიშები: ინახება 24 თვე აქტიურ ბაზაში (ახალი რეგისტრაციებისგან დაცვის მიზნით), შემდეგ 1 წელი არქივში.
• ანგარიშის წაშლა მომხმარებლის მიერ: მონაცემები ინახება 1 წელი არქივში (იურიდიული მოთხოვნებისთვის), შემდეგ იშლება.
• მარკეტინგისთვის საჭირო მონაცემები (ელ. ფოსტა, ტელეფონი): ინახება მაქსიმუმ 1 წელიინაქტიურობის შემდეგ. თუ წევრი თვითონ შლის ანგარიშს, ეს მონაცემებიც წაიშლება მარკეტინგიდან.

6.4 გეოლოკაციის მონაცემების ვადები:

• ბოლო მდებარეობა ინახება 1 თვე

ქრაში იყენებს ყველა საჭირო ტექნიკურ და ორგანიზაციულ ზომას თქვენი მონაცემების უსაფრთხოების უზრუნველსაყოფად. თუმცა, თქვენი პასუხისმგებლობაა ასევე უზრუნველყოთ საკუთარი მოწყობილობისა და ანგარიშის დაცვა.

6.5 არასრულწლოვანთა მონაცემები

ქრაში არ აგროვებს და არ ამუშავებს არასრულწლოვანთა მონაცემებს. თუ ვინმემ შეცდომით ან განზრახ მიუთითა არასწორი ასაკი, მშობელმა ან კანონიერმა წარმომადგენელმა უნდა გამოგვიგზავნოს მოთხოვნა მონაცემების წაშლაზე ელ. ფოსტაზე [email protected].

ქრაში დაუყოვნებლივ წაშლის არასრულწლოვნის ყველა მონაცემს.

7. საკონტაქტო ინფორმაცია

თუ თქვენ გაქვთ რაიმე შეკითხვა კონფიდენციალურობის პოლიტიკასთან დაკავშირებით ან გსურთ გამოიყენოთ თქვენი მონაცემებთან დაკავშირებული უფლება, შეგიძლიათ დაგვიკავშირდეთ შემდეგ მისამართებზე:

• ელ. ფოსტით: [email protected]
• მონაცემთა დაცვის ოფიცერი: [email protected]

ხელმოწერილია ფრეიმვორკის აღმასრულებელი დირექტორისა და მმართველი საბჭოს მიერ.